"सहरको कथा "

आफ्नै बाट लुटिए पछि सहरको कथा लेख्दै छु म
मनै भित्र गुम्सिएका रहरको कथा लेख्दै छु म!!

जिन्दगीको सारथी नै चुडिएर झरे पछि
बिना आगो जलेको त्यो घरको कथा लेख्दै छु म !!

भत्किएको चौतारी झै,छहारीको साथ छैन
हुरी संगै ढलेको त्यो वरको कथा लेख्दै छु म !!

लेखा जोखा गरेको भए कति हारे जिन्दगीमा
अन्धकारमा रोमोलिदै डरको कथा लेख्दै छु म !!

चुइएकोछ छाना हरु बुढी आमा गर्लिन के के
झुपडीको छानो हेर्दै खरको कथा लेख्दै छु म!!